Paula's mind salad

Umasal Lamang Nang Ayon sa Ganda

Hahaha.. Natawa naman ako dito. Words by Lourd Ernest De Veyra ^^

Q: Bakit kailangan nito sa mga panahon ngayon?

Dahil sa mundong pataas nang pataas ang stress levels, dala ng banta ng climate change, kriminalidad, trapik, polusyon. Wala nang mas nakakakulo ng dugo kesa sa isang taong hindi umaasal nang ayon sa kagandahan.

Q: Ano ba talaga ang ibig sabihin ng pilosopiyang ito?

Ilang gabay, alituntunin, at halimbawa:

•    Kung di naman kagandahan ang katawan (at lalo na kung tadtad ng kurikong ang balat), ‘wag mag-post ng mga Boracay pics sa Facebook. Polite lang ang mga kaibigan mo pero pinagtatawanan ka nilang lahat. ‘Yan ang mapait na katotohanan.
•    ‘Wag artehan ang pananalita. Wag lagyan ng impit at kulot kung wala rin lang natural na impit at kulot ang dila mo—unless lumaki ka sa US, nag-aral sa mamahaling paaralaan, nakatira sa exclusive subdivision, o nanggaling sa pamilya ng mga panginoong may-lupa.
•    ‘Wag magpumilit mag-Ingles kung di ka rin lang naman lumaki sa Forbes Park o nag-aral sa I.S. Mas lalong wag na wag kung mali-mali rin lang naman ang Ingles mo.
•    ‘Wag mag-sleeveless kung maitim ang kili-kili. ‘Wag na ‘wag mag-sleeveless kung maitim na nga ang kili-kili, pamalo pa ng dalag ang mga braso mo. Mas na mas na ‘wag—nakikiusap kaming lahat lalo na ang mga tropa ko dito sa Project 2—lalo na’t lumalabas ka pa sa TV. Alam naming karapatan ng bawat tao sa mundong itong magsuot ng sleeveless, pero tandaang karapatan din naming laitin ka nang bonggang-bongga.
•    Kung di rin lang naman kagandahan, wag magti-tweet ng “WALANG GUWAPO DITO” dahil masaklap ang tatalbog sa iyo na paghusga. Wag rin magti-tweet tungkol sa kalidad ng wine lalo na’t bisita ka lang. At kahit na may training ka sa oenology, ‘wag manglalait ng wine ng ibang tao—lalo na’t pinapasuweldo ka ng taong bayan.
•    Kung ka-edad mo na si Madonna, wag nang labanan ang makinarya ng panahon at isipin na ikaw pa rin ang seksing haliparot noong 1985. Kahit cultural icon ka na. Ang pagsuway dito ay magdudulot lamang ng matinding bangungot sa mga milyong-milyong tao tulad ng sa latest mong music video.
•    Kung ‘di rin naman talaga model, huwag tangkaing mag-model—maliban na lang kung ang produkto ay hollow blocks o kaya’y Pigrolac. Sinadya ng Diyos na bigyan ng angkop na tangkad at ganda ang ibang tao para sa trabahong ‘yun.

Q: Ano ang kinaiba nito sa “Kung ‘di rin lang kagandahan, wag mag-inarte?”

Wala masyado—magkamag-anak  nga sila, in fact. Pero masyado namang garapal itong nasa itaas. Pero ‘yan ang masakit na katotohanan: marami talagang hindi umaasal nang ayon sa ganda.

“Things that are pure within themselves evoke pleasure, thus beauty,” ika nga ni Socrates. Sa Tagalog, naaalibadbaran tayo sa di-kagandahan. Lalo na’t nag-iinarte pa.

Ang di pagsunod sa batas na ito ay nagdudulot ng mga di-kanais-nais na pakiramdam sa mundo. Basic human courtesy lang dapat, di ba? Hindi tayo umuutot at pinapaamoy sa katabi natin. Hindi natin dinuduraan ang pagkain nila. Pag humihikab tayo, tinatakpan natin ang ating bunganga. Ang pag-ebs ay isang pribadong aktibidad at hindi natin ipinagmamalaki sa ibang tao.  

Q: Bakit marami pa ring mga taong hindi kagandahan na hindi likas na sumusunod sa pilosopiyang ito?

Hindi ko rin alam. Bakit ba may mga taong nagnanakaw? Bakit may mga taong pumapatay? Bakit may mga mahilig manood ng child pornography o kaya bestiality? Bakit may mga opisyal sa gobyernong nakaw pa rin nang nakaw kahit na sobra-sobra na ang mga pera nila sa Switzerland?

“Good nature will always supply the absence of beauty; but beauty cannot supply the absence of good nature,”ika nga ng Briton na si Joseph Addison. Ang mahirap ay kung pangit ka na nga, maarte ka pa at masama pa ugali mo. Yung mga ganoon ay wala na talagang pag-asang lumigaya sa mundo kahit ilang hamster o pusa pa ang alagaan nila.

Q: Ano ang karaniwang nangyayari kapag hindi umasal nang naayon sa ganda ang isang tao?

Wala naman sigurong direktang koneksyon ang stress at ang mga di-kagandahang billboards sa Edsa, pero tingin ko yung kay Joel Cruz Aficionado ay isang ehemplo ng hindi umaasal nang ayon sa ganda. Ang isa pa ay yung kay Ellen Lising ng Ellen’s Aesthetic Surgical Center (Naaalala ko bigla yung The Crow. O kaya yung Joker ni Heath Ledger sa Dark Knight). Naiintindihan ko na karapatan nila ang ilagay ang mga pagmumukha nila sa mga naglalakihang tarpaulin sa bawat sulok ng Maynila. Pero magkaiba yung pag-promote ng negosyo sa pananakot sa kapwa tao.

Q: Ibig sabihin ba nito: Ang mga pangit ay wala nang karapatan mag-inarte?

Kung magdudulot ng pagtatalo sa magkakaibigan, argumento sa magkaka-opisina, suntukan sa bar dala ng kaartehang ito—- oo, wala silang karapatan.
Pero, nasa demokrasya pa rin naman tayo. Kaya, sorry na lang ako.

Q: Totoo bang pinagpapala o mas sinesuwerte ang mga taong umaastang sapat lamang sa kanilang natural na ganda?

Higit pa sa pagpapala ang ihahain sa iyo ng langit. Kabit-kabit kasi yan. Una, hindi maiismiran ang iyong dangal. Hindi ka pagbubulungan. Hindi ka pagpipyestahan ng kritisismo at tsismis. Kung walang maipipintas, walang papasok na panlalait sa aura mo, walang magnet ng negatibo. Despues, gagaan ang buhay. Tiyak na ang pagpasok ng swerte sa buhay.

Q: Magbigay ng mga halimbawa ng mga taong umaasal lang nang angkop sa kanilang ganda.

A.    Buti na lang marami pa sila. Si Lucy Torres Gomez ay isang halimbawa nito. Kung tutuusin ay may karapatan siyang umasta sa anong paraang nais niya—dahil siya naman talaga’y diyosa ng kagandahan. Pero kahit na ganoon ang sitwasyon ay hindi niya kailanman inabuso ang pribelehiyong ito. Alam niya kung anong asta ang bagay sa kanya. Laging nakangiti, mabait ang pakikitungo sa tao. Hindi binabalandra sa madla ang kanyang mga mamahaling damit at pabango.

Shalani Soledad, maganda at sikat pero hindi rin nakitaan ng angas. Simple lang siya. In fact, siya pa rin ay larawan ng lumanay kahit sa gitna ng ingay at gulo ng game show. Masdan at pakinggan kung paano siya magbilang ng “…One… two… three… Goooow!”


Q: Bakit naman ito pa ang napili nating pag-usapan sa pagpasok ng bagong taon at hindi ang mga hula-hula at mga pampasuwerte sa buhay?

A: Dahil wala akong bolang kristal at wala ka ring makikitang turban sa ulo ko. Umaasal lang ako ayon sa aking ganda.

Kinchay, si Flat-Leaf Parsley at si Wansoy :D

One day before 2011! Everybody is getting busy preparing for the New YEar’s eve dinner. I actually went to market with my parents to buy the ingredients we need for our dishes and the traditional round fruits. I just felt like sharing what I’ve learned today about wansoy and kinchay. I was looking for parsley that we need to add on our fettuccine carbonara and I don’t really know its Filipino term and how exactly it looks like.

One of my mom’s friends said parsley is what we called Kinchay in tagalog. It’s the one that gives pancit its distinctive smell. My brother said its wansuy. So with some Googling done, I finally learned the difference between KInchay and Wansoy (because they are almost identical) and which is the one that I need for my pasta.

Unahin natin si KInchay. Si Kinchay ay hindi parsley.

Si Kinchay ay Chinese celery.

Celery or Apium graveolens or popularly known as Kinchay in the Philippines,  is a crunchy biennial plant belong  in the family Apiaceae and is native to Eurasia.(1) It is more citrusy in aroma. Break off a little piece of its stalk and you’d note that the smell resembles that of celery. If you’ve had Lumpiang Shanghai or Chopsuey you’d have probably tasted the spice that’s uniquely Kinchay (2).

Si Flat-leaf parsley naman (I still don’t know the Filipino term for her).

There are actually 2 types of parsley, the flat-leaf parsley and the curly-leaf parsley. The curley-leaf parsley has a pleasant grassy flavor and decorative ruffled leaves that make it the perfect garnish. When a stronger flavor is desired, recipes usually call for flat-leaf or Italian parsley (they’re the same), which features broad, serrated leaves (3). Flat-leaf parsley is identified by the way the leaves lay flat rather than being ruffled at the edges (4).

Si wansoy.

Wansoy (Corindrium sativum) is a Filipino term for Coriander leaf or Cilantro. Although cilantro is related to the parsley family and looks a lot like flat-leaf parsley, its leaves have a distinctly different smell, a deeper emerald color, and a much stronger flavor. Cilantro is a popular ingredient in Asian, Middle Eastern, Indian, and Latin American cuisines (3).Cilantro is not a parsley at all!

Wansoy or Cilantro (Coriander leaf)  

Wansoy is an herb commonly used in Thai cooking. If you’ve had Tom Yum or Thai Spring Rolls you’ve probably tasted its unique spicy-sweetish blend, and it’s what gives Thai Curry a distinct flavor. Of the two, it is more pungent. (Some even dislike its smell, which they say resemble that of squished bedbugs. Shush.)

Okay. Magkakamukha sila lahat kaya confusing. Kinchay is a celery, for the parsleys we only have two types: the flat and the curly leaf. Wansoy, on the other hand, is a coriander leaf (pero hindi siya Koreano, toinks). One way to tell the difference is the smell. They have differences on their smell: you’ll get Pancit smell from Kinchay, strong flavor from parsley and Wansoy as the pungent one. Just don’t count too much on their looks. Sniff. (you’ll just get funny looks from other shoppers though).

On the left is the flat-leaf parsley,Wansoy on the right side. Flat-leaf pasley has bigger leaves.

Notice the whitish stem of Kinchay.   

Hope this helps!

Well, the flat-leaf parsley is the one I need for my fettuccine carbonara. Some say curly-leaf parsley can also be used. Hindi pa rin ako nakakahanap hanggang ngayon curly or flat. (‘_’) Buti di Kinchay ang binili namin, e di naglasang pancit ang fettuccine! Good luck sa aking fettuccine!

Happy New YEar po!

References:

1. http://www.pinoy-entrepreneur.com/2010/05/29/celery-or-kinchay-production/
2. http://annecooks.blogspot.com/2006/11/wansoy-and-kinchay.html
3. http://recipes.howstuffworks.com/food-facts/what-is-parsley.htm
4. http://www.ehow.com/about_5471895_culinary-herb-identification.html

Mga Pinoy Pamahiin sa Bagong Taon

Sagana tayo sa mga katutubong pamahiin  kapag darating na ang Bagong Taon. Ang ilan sa mga narito ay mula sa 1,001 Katutubong Pamahiin ni Julio F. Silverio:

• Bago sumapit ang Bagong Taon, kailangang sagana ang inyong tahanan sa tubig, asin at bigas upang maging maunlad ang inyong kabuhayan sa buong taon.
• Iwasan ang gumasta ng kahit isang pera sa araw ng Bagong Taon at maging malinis din ang katawan sa araw na ito upang buwenasin sa buong taong hinaharap. Kung kayo’y gagasta, malamang na kayo’y magiging gastador sa buong taon.
• Kapag tumugtog na ang ika-12:00 ng hatinggabi bilang hudyat ng Bagong Taon, buksan ang lahat ng inyong mga bintana, kahon, pinto at aparador upang sa gayon ay mapuno ang mga ito sa buong taong hinaharap.
• Sa gabi ng Bagong Taon, kapag ang inyong aso ay tumahol nang ika-12:00 ng hatinggabi, magdaranas kayo ng ibayong kahirapan sa buong taon.
• Kapag ang araw ng Bagong Taon ay tumama sa araw ng Biyerenes, magkakaroon ng maraming sakuna sa buong taon. Kapag ito naman ay tumama sa araw ng Sabado, magiging maunlad at manigo ang buong taon.
• Sa pagtugtog ng ika-12:00 ng hatinggabi bilang hudyat ng Bagong Taon, kailangang ang mga pandak ay magsilukso o maglulundag upang maragdagan ang kanilang taas. Kailangan ding hilahin ang mga pangong ilong upang ito’y tumangos.
• Masama para sa isang tindahan ang nagpautang kung araw ng Bagong Taon sapagkat hindi ito magkakaroon ng mabuting benta sa buong taon bagkus puro utang ang mangyayari.
• Kapag umulan sa araw ng Bagong Taon, ang buong buwan ng Enero ay magiging maulan din.
• Iwasan ang pagiging magagalitin sa araw ng Bagong Taon upang maging maayos ang inyong kalooban sa buong taon.
• Bubuwenasin kayo sa buong taong darating kapag ang naging unang bisita o panauhin ninyo sa inyong tahanan sa araw ng Bagong Taon ay lalaki. Kapag babae naman, kayo’y mamalasin. (bakit ano meron sa babae?)
• Kung sadyang naghahanap kayo ng magandang kapalaran sa buong taon, lagyan ng pera ang inyong bulsa pagsapit ng Bagong Taon, lubha pa kung ang suot ninyong damit ay bago.
• Kayo’y mamalasin sa buhay kapag kayo’y naglabas ng ano mang kasangkapan sa inyong tahanan sa araw ng Bagong Taon.
• Kayo’y mamalasin sa buong taon kapag kayo’y nakatapo ng asin sa araw ng Bagong Taon.
• Bubuwenasin kayo sa buong taon kung sa inyong paglalakad sa araw ng Bagong Taon ay babati kayo ng “Happy New Year” o “Manigong Bagong Taon” sa sino mang makakasalubong ninyong kakilala.
• Huwag magwawalis sa umaga ng Bagong Taon. Para na ninyong itinataboy ang magandang kapalaran. Makabubuting gawin an pagwawalis sa dakong hapon.
• Kung dadalaw kayo sa ibang bahay sa araw ng Bagong Taon, kailangang magdala kayo ng ano mang regalo sa inyong dadalawin upang buwenasin sa buong taon.
• Mamalasin kayo sa buhay kung maglalaba ng dami o maghuhugas ng pinggan sa araw ng Bagong Taon.
• Dapat ay maghanda ng malagkit na pagkain katulad ng biko, tikoy, etc upang mas maging maganda ang samahan ng pamilya.
  
• Kapag unga ng baka ang unang ingay na narinig ninyo sa araw ng Bagong Taon, kayo’y mananagana sa buong taon. Kapag tahol naman ng aso, ito’y nangangahulugan ng kagutuman at kahirapan sa buong taon.
• Sa mga doktor, kapag ang unang naging paseynte nila sa sa pagpasok ng Bagong Taon ay lalaki, sila’y magdaranas ng magandang kapalaran sa buong taon. 

Ang mga pamahiing ito ay bahagi ng mayamang kultura ng Pilipinas. Ngunit marapat nating isaisip na ang ikabubuti natin ay nakasalalay sa paraan ng ating pamumuhay at sa pagiging malapit natin sa nasa itaas; hindi sa pag-unga ng baka o sa pagtahol ng aso..:)

Happy New Year po sa lahat!

tumblrbot asked: WHERE WOULD YOU MOST LIKE TO VISIT ON YOUR PLANET?

Niagara falls.:)